الأحد، 6 ديسمبر، 2009

خلونا نخاف من غضبه

سلام عليكم ورحمة الله وبركاته
من زمان وانا عندي قناعة راسخة ان الغناء و الموسيقى حرام
و يمكن هي الحاجة الوحيدة اللى مكنش ينفع ابدا ان حد يشككني فيها
وده لاني كنت بضع امام عيني علطول احاديث رسول الله صلي الله عليه وسلم الصريحة بحرمانية الغناء منها:

ما ورد في صحيح البخاري من حديث النبي صلي الله عليه و سلم « ليكوننّ من أمّتى أقوام يستحلّون الحر والحرير والخمر والمعازف ولينزلنّ أقوام إلى جنب علم يروح عليهم بسارحة لهم يأتيهم - يعنى الفقير - لحاجة فيقولوا ارجع إلينا غدا. فيبيّتهم اللّه ويضع العلم ويمسخ آخرين قردة وخنازير إلى يوم القيامة


وقال رسول الله صلى الله عليه وسلم : «ليكونن في هذه الأمة خسف، وقذف، ومسخ، وذلك إذا شربوا الخمور، واتخذوا القينات، وضربوا بالمعازف» (صحيح بمجموع طرقه، السلسلة الصحيحة 2203)
وروى أبي داوود في سننه عن نافع أنه قال: «سمع ابن عمر مزمارا، قال: فوضع أصبعيه على أذنيه، ونأى عن الطريق، وقال لي: يا نافع هل تسمع شيئا؟ قال: فقلت: لا ! قال: فرفع أصبعيه من أذنيه، وقال: كنت مع النبي صلى الله عليه وسلم، فسمع مثل هذا! فصنع مثل هذا» (حديث صحيح، صحيح أبي داوود 4116).

وكنت بسأل نفسي كتير
هو الأنسان ليه ديما بيعد يدعي ربنا بحجات كتير
و أول لما ربنا يلبي دعوته يروح الانسان اول رد يرد بيه علي نعمة الله انه يعصيه
يعني كنت افكر ان اذاي واحد يعد يدعي بزوجة صالحة و لا واحدة تدعي بزوج صالح
و أول ما ربنا فعلا يرزقهم يروحوا بدل ما يشكروا الله
لا
دول بدل كده كانهم بيقولوا لله
"انت كرمتنا يا رب....عشان كده احنا نوينا بكل سعادة اننا نعصيك ونغضبك"
اول فرحة ليهم بفرح كله اغاني ورقص و مجون واختلاط ومنكرات
و يبقه الزوج بيرقص زوجته في الفرح دون اي غيرة ولا حياء و لاخجل من ان كل الرجاله اللى في الفرح يشوفوا منها اكتر ما هو شاف من ساعة ما خطبها
ولا حد فيهم بيفكر ان ربنا بينظر لهم طول ساعات الفرح نظرة غضب من فوق سبع سموات
ولا حد فيهم بيفكر ان ربنا لو اراد انه يخسف بيهم في لحظة هيفعل ولكنه بيمهلهم لحكمه يعلمها هو
و لا حد فيهم بردو بيفكر ان كل المنكرات و المحرمات اللى في الفرح دي كلها في ميزانهم هما
وكل الناس اللى بتعصي الله في الفرح ده في ميزانهم هما
محدش فيهم بيفكر في كده

ليه ميكنش الفرح اسلامي
ليه منفرحش بنعمة الله من غير ما نغضبه
ليه ديما نضع غضب الله في كفة و شهواتنا و رغباتنا التعبانة في كفة تانية وديما نطبب كفة رغباتنا
ليه ميكنش الفرح لا فيه اختلاط ولا فيه معازف و لا اغاني غير الاغاني الاسلامية اللى بالدف و لا فيه محرمات
ما اصل اللى عاوز يفرح هيفرح بأي طريقة
ليه نختار الطريقة المحرمة ديما

تاني حاجة بقه
اننا ديما نبقه عارفين الصح وتلاقينا بنحود عنه
و نعمل روحنا مش واخدين بالنا
و منحاولش نركز اوي مع الحق والا ضميرنا هيقتلنا
يعني نبقه عارفين ان الخطوبة بدون عقد (كتب كتاب يعني)
هي مجرد وعد بالزواج
مبترتبش عليها اي حقوق للخاطب
يعني الخاطب ليه انه يشوف خطيبته على اكثر الاحوال 3 رؤيات شرعية
و ده عشان يتم بينهم مودة و يشعر كل واحد فيهم بالراحة للاخر
و لو تمت الراحة من مرة واحدة خلاص يكتفوا برؤية واحدة
و بعد كده ملوش يشوفها ولا يعد معاها و لا يكلمها في التليفون ولا اي حاجة خالص لحد ما يعقد عليها لانه مازال اجنبي عنها
ليه احنا بقه برغم اننا عارفين ده بنلاقي الخاطب وخطيبته في وادي تاني خالص
اقل شىء نقدر نقول انه بيتم ان يبقه في بينهم تليفونات و مقابلات و انهم يعدوا مع بعض في عدم وجود محرم حتي.... و كانه خلاص بقه اخوها الصغير
ليه بقه عندنا اعتقاد راسخ ان مينفعش اصلا يبقوا اتنين مخطوبين و ميعملوش كده
ولو حد قالهم لا يجوز
يقولوا مين قال....ده احنا بناخد علي بعض
و لا يقولوا قدر طلع وحش ....مش لازم نختبره الاول!!
و كانهم بالخروجات و التليفونات و المقابلات بيعملوا امتحانات الميد تيرم
اومال انتوا بتصلوا استخارة ليه اصلا
مش عشان ربنا يوفق الموضوع و يختار ليكم الصالح
يعني هو فكركم لما انتوا تخلو العملية سايبة كده ان ده هيأمنلكم حياتكم وهيكشفلكم حقيقة بعض
و هل لو هو وحش و ربنا مقدره ليكي هل خروجك معاه و كلامك معاه هيغير قدرك؟!!!
اومال نسب الطلاق زادت ليه
يعني هل اللى اتطلقوا دول مخرجوش و متقابلوش؟!!!!

هي قاعدة
الطيبين للطيبات و الخبيثين للخبيثات وخلاص

اللى عاوز يمشي صح هيعرف يقنع نفسه بالصح
و اللى عاوز يمشي غلط بردو هيحاول بالعافية يوجد مبررات لن تغني عنه شىء

حياتنا فيها حجات محتاجة وقفات
مينفعش نبدأ حياتنا بإغضاب الله
كل اللى بنعمله حالياً و ربنا بيمهلنا فيه هنتحاسب عليه في الدنيا قبل الاخرة
و هيترد علينا في حياتنا الجاية و في اولادنا و في استقرار حياتنا و سعادتنا
و دي حقيقة ديما بنغفل عنها ونرجع نقول احنا حياتنا مش سعيدة ومش مستقرة ليها
و ليه نسبة الطلاق زادت وليه نسبة فشل الخطوبات زاد و ليه اولادنا طالعين غير ما كنا عوزينهم ليه؟؟!!!!!
محتاجين نخاف ربنا شوية ويبقه المستحيل عندنا اننا نفضل اي حاجة في الدنيا علي رضا الله
خلونا نخاف من غضبه

السبت، 31 أكتوبر، 2009

عزاء واجب

الي هكتبه ده من القلب بجد.... ومسني بشدة.


كنت فى عزاء والدة صديقتي....صديقتي دي كانت مرتبطة بأمها اوي...وبتحبها اوي...ذى ما كلنا بنحب امهاتنا...بس مش واخدين بالنا.
بتحبها ...ومهما وصلت في حبها عمرها ما قدرت تقدره.
بكل إنفطار كانت بتقولها بكل حرقة...أمى انتي فين وحشتيييييييييييييييييني .
من دلوقت بتقوليها؟!!!!
لسة كانوا دفننها وبتقوليلها وحشتيني؟!!!!!


كان نفسها الزمن يرجع لحظة واحدة تشوفها فيها وتبوس ايديها وتمسكها اوي عشان متمشيش.
كان نفسها الزمن يرجع يوم واحد عشان تبوس رجلها وتقولها بحبك يا امى.
كانت بتسأل روحها
ليه مفكرتش في اللحظة دي...ليه مجاش في بالى يوم انك هتسبيني وتمشي...وحشتيني اوي .
هتجيلي في الحلم؟.....ولا حتى الحلم مبقاش ملك ايدي؟
لما الناس دي تمشي وابقه لوحدي هعمل ايه؟....تفتكري حياتي من غيرك ليها قيمة؟!
طب لو عوزتك او احتجتك في يوم...هلاقيكي؟
لو فى يوم الدنيا ضلمت في وشى وانسدت....تفتكري هلاقي حضنك الدافى عشان ابكي فيه؟
تفتكري هلاقي حد يستحمل حماقاتي وعصبيتي وضيقتي؟
تفتكري وقت ما احتاج الكلمة منك او النصيحة هلاقيها؟
تفتكري وقت لما احب اشوفك مفيش امامي غير اني ابص لصورتك وامشى بصوابعي علي معالم وشك علشان افتكرها؟
تفتكري لما احب اشوف ضحكتك لازم اشغل الفيديو الي صورتهولك من سنة وانتي بتضحكي ؟
تفتكرى لما احب اعيط فى حضنك لازم انام علي سريرك وعلى مخدتك وامسح دموعي في هدومك ؟
تفتكري لو كنت اعرف انك في يوم مش هتكوني هنا ومش هتكوني معاى في لحظات حزني وفرحي كنت سيبت اي لحظة تعدي وانا بعيد عنك؟
تفتكري هستحمل احساس انك هتنسيني لانك مش هتكوني موجودة!
تفتكري هستحمل احساس اني هدور عليكي اول لما ادخل الشقة بعد يوم طويل عشان احكيلك وملاقيش؟
تفتكري مين هيفرحلي من قلبه؟
تفتكري افتكرتي تسبيلي حاجة من ريحتك قبل ما تمشى؟
انا ندمانة يا امي....ندمانة علي كل لحظة معشتهاش معاكي...ندمانة علي كل كلمة ضايقتك بيها...ندمانة علي 21 سنة راحوا من عمري من غير ما اقدر انتي ايه بالنسبة ليا....انا بحبك ...ونفسي اقولهالك في وشك....ارجعي لحظة واحدة وبعد كده امشى تانى....انا بحبك...اوي ...وحشتينيييييييييييييييييييي اوي.


لكل واحد بيقرا...قدر قيمة كل شىء حلو معاك....مش بنحس بقيمة الشىء غير لما بيروح مننا....بوس ايد امك وابوك وكل الي بتحبهم في الله و برضا الله...قولهم انك بتحبهم...فكر في يوم ممكن تدفع عمرك كله فيه عشان تقولهم بحبكم...فكر في لحظة هتندم فيها كتير عشان كان جواك كتير ومقدرتش تقوله...قدر الي حواليك ومعاك...قدرهم ...ومهما ضاقت بيك دنيتك...الجأ لله...هو بس الي في ايده دواك.
و لكل شخص فارقه حبيب وعزيز عليه
اعمله حاجة تنفعه بيها بجد
قوله في قبره انك فاكرة ومش ناسيه وانك بتحبه اوي
بطل كلام واشتغل بجد
بخطوات بسيطة تقدر تخلي والدك او والدتك او اي عزيز عليك يتنقل نقلة تانية في قبره ومصيره
1- الإستغفار للوالدين و طلب الرحمة لهما في حياتهما و بعد الممات
فإن العبد إذا مات نفعه إستغفار ولده له، قال النبي صلي الله عليه وسلم " إن الله عز وجل ليرفع الدرجة للعبد الصالح في الجنة فيقول : يا رب أني لي هذه؟ فيقول : بإستغفار ولدك لك" (أحمد في المسند )2/509 بسند حسن
2- إداء الدين عن الوالدين و إرضاء الخصوم
3- إنفاذ الوعود التي وعدها أبوك لأقواماً وفاءاً للوالدين وإبتغاء مرضاه الله
4- ترك النياحة عليهما إذا ماتا لأن الميت يعذب بنياحة أهله عليه إلا في حالة أن يوصى هو بأن لا يناح عليه عند موته ( أما مجرد البكاء مع دمع العين و الحزن فلا جناح فيه
5- الصدقة الجارية، حيث ينتفع بها الميت ويصل ثوابها له ( ومن أفضل الحسنات الجارية سقيا الماء حيث ورد فيه العديد من الاحاديث
6- صوم الأيام التي لم يصومها الأباء لانها تصبح ديناً عليهم، كذلك الحج و العمرة عنهم
أما الصلاة عن الميت فلم يرد بها دليل عن النبي صلي الله عليه وسلم
كذلك فإن قراءة القرأن ووهب ثوابها للميت فلم يرد دليلاً صريحاً عن النبي صلي الله عليه وسلم أنه فعل ذلك و لا انه حث عليه و لا أمر به.
7- أبر البر أن يصل الرجل أهل ود أبيه، فواصل صلة الرحم التي كان يصلها أبوك ولا تقطعها و أعلم ان الله يأجر والدك عن تلك السنة الحسنة التي سنها لك
"فمن سن سنة حسنة فله أجرها و أجر من عمل بها إلى يوم القيامة" مسلم 1017
لذا فقم بإحياء السنن الحسنة التي كان يفعلها أبوك حتي يؤجر ويثاب و يجري عليه عمله الصالح في قبره....وو اصل مسيرة الخير التي سار فيها والدك.
8- أصلح ما أفسده والدك (بأن يكون ظلم شخصاً أو قطع رحماً أو أختلس أو سرق أو اقترف سوءاً أو حرم أخواتك البنات من الميراث أو أوصى بوصية ظالمة) فإن كنت تريد أن يرحم والدك مما هو فيه من عذاب فعليك إصلاح ما أفسد واستر على والديك ولا تفضحهما.
وفي النهاية قدم إلى والديك و لنفسك هدية عظيمة
إن القرآن يلقى صاحبه يوم القيامة حين ينشق عنه قبره كالرجل الشاحب يقول: هل تعرفني؟ فيقول له: ما أعرفك، فيقول: أنا صاحبك القرآن، الذي أظمأتك في الهواجر، وأسهرت ليلك، وإن كل تاجر من وراء تجارته، وإنك اليوم من وراء كل [تجارة]، قال: فيعطى الملك بيمينه، والخلد بشماله، ويوضع على رأسه تاج الوقار، ويكسى والداه حلتين، لا يقوم لهما أهل الدنيا، فيقولان: بم كسينا هذا؟ فيقال: يأخذ ولدكما القرآن، ثم يقال: اقرأ واصعد في [درج] الجنة وغرفها، فهو في صعود ما دام (يقرأ) هذا كان أو ترتيلا
أحمد في المسند 5/348 بسند حسن
لا تنسونا من صالح دعاءكم
(البوست ده قديم نشرته قبل كده بس اتضاف ليه بعض الاضافات)


الثلاثاء، 27 أكتوبر، 2009

حفرة غريبة


تقع هذه الحفرة في أوزبكستنان بمحاذاة بلدة صغيرة تدعى دارافاز daravaz ويطلق عليها السكان المحليون لهذه الحفرة تسمية “الباب الى الجحيم” وتعود قصة هذه الحفرة الى ما لايزيد عن ثلاثة وخمسين عاماً حيث كان هناك مجموعة من العلماء والعمال والمهندسين تقوم بالتنقيب عن الغاز في تلك المنطقة, وفجأة ودون سابق إنذار دوى صوت إنفجار قوي أدى الى خلق هذه الحفرة الكبيرة وغرق فيها كافة العاملين في تلك البقعة مع كافة الماكينات الضخمة التى تستعمل عادة في هذه الأعمال,ومن حينها لم يتجرأ الى النزول في تلك الحفرة بسبب إمتلائها بالغاز وهي ما زالت تحترق منذ تلك الحادثة أي منذ ثلاثة وخمسين عاماً ولا أحد يعلم كم طناً من الغاز الخام قد إحترق منذ ذلك الحين إلا أنه كما يبدو فهو مستمر إلى ما
لا نهاية.(منقول)


تيجي ايه دي في نار جهنم!!!

هه؟

تفتكر أمنت نفسك من دخول جهنم ولا بتعصي الله وبتقول ان ربنا غفور رحيم !!!

بتدعي حب الله وانت بتعصيه وبتخالفه!!!

مستصغر ذنوبك و معاصيك و بتقول ما الكل بيعمل هي جت عليا!!!

بالله عليك تفوق قبل ما يبقه مسواك يوم الدين في حفرة من حفر النار!!!

ومش هتكون حفرة ذي اللى فوق دي

لا

ده اقل اهل النار عذاباً هيكون رجل يوضع تحت قدمه جمرة صغير يغلي منها دماغه وهيعتقد حينها انه أكثر اهل النار عذابا

استحضر قلبك دلوقت

استشعر حجم ذنوبك ومعاصيك وانك بعملك فقط داخل النار إن لم تصيبك رحمة الله

و اعلم ان اكثرالناس يوم القيامة سعادة اللى هتكون صحيفته مليئة بالاستغفار

كلنا بنخطأ بس الأستغفار بنية صادقة بيمحي الذنب

بستغرب ان الناس ممكن تعمل اي حاجة حتى لو فيها مشقة

لكن وقت ما حاجة تكون بتخص الدين بتلاقيه يتسهين ويزهق

حتى لو جاله اوف لاين ولا ميل يخص الدين او فيه ذكر تلاقيه بيكسل يقراه

ولو جاله نكته كاذبة تلاقيه مصمم يكمل للاخر ومش بعيد ينشرها و يجتهد في نشرها

اديني من وقتك دقيقة الان

متستكبرش وتستخسر فيها الوقت

اصلك هتلاقي اللى انت هتعمله الان محفوظ يوم الدين في صحيفتك وبيتعرض عليك وهتعرف ساعتها قيمة اي ذرة خير عملتها في الدنيا وهتتمني ترجع لحظة واحدة تقول فيها كلمة ذكر واحدة


استحضر نية الاستغفار وردد الاستغفار التالي بأحساس وحضور قلبك

استغفر بجد لانك هتلاقي كل اللى فيه انت بتعمله واكتر

خلي يقينك بالله انه هيغفرلك بعد استغفارك

ومتنساش خلي لسانك علطول شغال بالاستغفار هتلاقي نفسك اتعودت علي كده وهتكون يوم العرض من اسعد البشر


استغفر الله العظيم من كل ذنب اذنــبــــتـــه ... استغفر الله العظيم من كل فرض تركـــــتــه

استغفر الله العظيم من كل انسان ظلـمـتــــه ... استغفر الله العظيم من كل صالح جـفــوتــــه

استغفر الله العظيم من كل ظالم صاحـــبتــه ... استغفر الله العظيم من كل بـــر أجـــــلتـــــه

استغفر الله العظيم من كل ناصح أهنــتـــــه ... استغفر الله العظيم من كل محمود سئـمــتـــه

استغفر الله العظيم من كل زور نطقت بــــه ... استغفر الله العظيم من كل حق أضــعــتـــــه

استغفر الله العظيم من كل باطل إتبعــتـــــه ... استغفر الله العظيم من كل وقت أهــــدرتــــه

استغفر الله العظيم من كل ضمير قـــتلــــته ... استغفر الله العظيم من كل سر أفشـــيـــــتـــه

استغفر الله العظيم من كل أمين خدعــتـــــه ... استغفر الله العظيم من كل وعد أخلــفـــــتـــه

استغفر الله العظيم من كل عهد خــــــنتــــه ... استغفر الله العظيم من كل امرئ خذلــــــتـــه

استغفر الله العظيم من كل صواب كتمــــته ... استغفر الله العظيم من كل خطأ تفوهــت بـــه

استغفر الله العظيم من كل عرض هتكتــــه ... استغفر الله العظيم من كل ستر فضــــحـــتــه

استغفر الله العظيم من كل لغو سمعــــتــــه ... استغفر الله العظيم من كل حرام نظرت إليـــه

استغفر الله العظيم من كل كلام لهوت بـــه ... استغفر الله العظيم من كل إثــم فـعـــــلتــــــــه

استغفر الله العظيم من كل نصح خالفتـــــه ... استغفر الله العظيم من كل علم نـســيــتـــــــــه

استغفر الله العظيم من كل شك أطعـــــتـــه ... استغفر الله العظيم من كل ظن لازمــــتــــــــه

استغفر الله العظيم من كل ضلال عرفتـــه ... استغفر الله العظيم من كل ديــن أهمــلــتـــــــه

استغفر الله العظيم من كل ذنب تبت لك به ... استغفر الله العظيم من كل ما وعــدتـــك بـــــه

ثم عدت فيه من نفسى ولم أوفى به

استغفر الله العظيم من كل عمل أردت به وجهك فخالطنى به غيرك

استغفر الله العظيم من كل نعمة أنعمت على بها فاستعنت بها على معصيتك

استغفر الله العظيم من كل ذنب أذنبته فى ضياء النهار أو سواد الليل او فى ملأ أو خلا أو سراً أو علانية

استغفر الله العظيم من كل مال إكتسبته بغير حق

استغفر الله العظيم من كل علم سُـئـلـت عنه فكتمته

استغفر الله العظيم من كل قول لم أعمل به و خالفته

استغفر الله العظيم من كل فرض خالفته ومن كل بدعه إتبعتها

استغفر الله العظيم من جميع الذنوب كبائرها وضغائرها

استغفر الله الذي لا اله الا هو الحي القيوم واتوب اليه

استغفر الله العظيم على النعم التي انعم علي بها ولم اشكره

استغفر الله العظيم من الرياء والمجاهره بالذنب وعقوق الوالدين وقطع الرحم

استغفر الله العظيم لي وللوالدي وللمؤمنين والمؤمنات والمسلمين والمسلمات الاحياء منهم والاموات

وصلي اللهم على محمد وعلى آله وصحبه الى يوم الدين

الجمعة، 23 أكتوبر، 2009

صور تفطس من الضحك

سلام عليكم ورحمة الله و بركاته

قبل البوست احب ابلغكم بان التقديم في معهد ام تميم هيخلص خلال الاسبوع الجاي
اللى عاوز يلحق يقدم يلا بسرعة
و كمان خبر حلو كمان ان مبقاش في شروط في التقديم للمعهد يعني اي حد مش حافظ اي قرأن يقدر يقدم بردو و مبقاش في امتحان كله هيبقه في سنة اولي
متضيعوش الفرصة منكم بالله عليكم يا بنات

*************************************************************
ايئا ايئا ايئا أئوئا... وسع طريق للاسعاف

معن...لمصتكبل باهر من أجل اهالينا



اوعه الطيارة الجامبو


ربنا يشفي


طب بقولك ايه ... هو انت لازم تدخل ضروري من الباب

مهو يعمل ايه طيب؟!!!


أكيد وقع منه عيلتين في السكة ...أكيد


علم وينفذ


عندك حب للتملك...مغرور...قاسي....طب الحق البيعة و علي فكرة الوسطاء يمتنعون


خلى الكل ياكل وينبسط


هو بيقولك هتبقه صعب شوية...بس سعات بتنفع علي فكرة


توكتوك العاصمة...فتحة الباب بخمشاشر قرش


بقولك ايه...املا التنك علاخرة...حدش عارف ينكن برميل البترول يضرب في العلالي بعد حرب الفلبين



حد يصارحني و يقولي ايه ده بجد



مرجح جمالك و اسعدها و لأول مرة في "جمال بارك"


بدون تعليق


عليك و ع الخوارزمي علطول

اكيد بيأكل عربيته لحمة



لا... لو الكلام ده طلع مظبوط فعلا يبقه الواحد يروح ايام الاجازات ارخص


خليك مع الوزارة هتاخد السرتفسيت علطول من غير كلام


الا محدش خد باله ان حد بيصور ....خد باله اذاي الجدع المبسوط ده

ولا حرقة لا اضرب في المليان


موز بلدي فاخر بطعم البوردوءان

مطلوب سواء نقل عام يستطيع ان يسوق و لا يرى الطريق براتب مجزي


يلا دي المية متحلاش الا باللمة الحلوة

الا ايه نوعية المحل اللى بتبقه في الدور التالت دي


رصيف للطوال فقط....القصار يمتنعون


امتحان 18 ساعة ع السريع... ممنوع اصطحاب الشندوشتات و العصير



افادكم الله...فعلا كنا هننزل فوق لولا التنبيه



الان فقط و لفترة محدودة في بزينة نحن لا نزرع الشوك: سعر السولار للكارو 70 قش و عليهم حزمتين برسيم مجانا


على السادة السواقين ربط الحزام و الجنازير و الا تعرضوا لسحب الكاوشت الاستبن و الجنزير
برج الشيماء... غرف سوبر لوكس ومساحات برحة و شرحة


الان في مصر فقط و لأخر مرة....تستطيع ان تحصل علي ونش بيمشي بأيد واحدة و يقدر بردو ينط بيها في وسط الزحمة ... وممكن لو غرق يأدف بيها بردو



مهو ده يا اما سبايدر مان يا اما ملزوق بتفافة و لا ينكن يكون في حل تالت ابدا


اخيرا لقا راكنة



عجز لساني عن التعبير


خليك مع مجار لا هتكسب و لا هتربح



متستبعدش ابدا انك تلاقي جوة الكبوت سبع صعايدة بينهجوا



العربية دي طريق أكتوبر المكسيك

و ربنا يوجد طبيب....بس اضغط انت و سيب الباقي ع الجرس

مراسيل مراسيل و اللسة


يا عم ابوس ايدك شد علي نفسك السيفون و ريحنا بقه


عربية 4*4=16

هو ده الابداع...بأقل الخامات تبقه صاحب مقطورة اد الدنيا



اعطني خبزاً و حناناً


إن خلس الفول انا غير مسوءل... وقد اعذر من انذر


عزيزي العميل حرصا على سلامتكم من شد العضل برجاء احضارعدد اتنين قالب طوب تقف عليهم و انت جاي ...او اقولك خلي حد يشيلك اوبح

مخ و مببار و سدوء عال خالص

دي عمار ميتمشيش فيها الا بالجنب...محدش يفكر يتدور ابدا



جوجل لخدمات رجال الاعمال و لولاد المونطقة بردو



ترجمة ابو سمرة الفورية: اشتري يور هيد يعني اشتري دماغك ثم باي وان بيتزا تعني اشتري بيتزايه

طب براحة طب....الكلام بردو أخز وعطا

و على فكرة بعد الضهر بتبقه مدرسة ليالي الحلمية الثانوية بنات


الهندسة المعمارية الحديثة تتألق


أموت و اعرف السلم ده بيودي علي فين؟!



الصيت لا الغنا



يعني البلكونة اللى فوق دي واقفة علي العمود ده!!!!


ايون اومال انتوا فاكرينها لعبة...ده المواضيع بتيجي فجأة و يا تلحق يا متلحقش

ميناتل و الان و لفترة مفتوحة دقيقة المحمول بقت بنص التمن من اي كابينة واقعة

معلش اصل اللى كاتب اليفتة كان مخنوق حبتين

فودافون...اتكلم من الفرن