صور تفطس من الضحك

سلام عليكم ورحمة الله و بركاته

قبل البوست احب ابلغكم بان التقديم في معهد ام تميم هيخلص خلال الاسبوع الجاي

اللى عاوز يلحق يقدم يلا بسرعة

و كمان خبر حلو كمان ان مبقاش في شروط في التقديم للمعهد يعني اي حد مش حافظ اي قرأن يقدر يقدم بردو و مبقاش في امتحان كله هيبقه في سنة اولي

متضيعوش الفرصة منكم بالله عليكم يا بنات

*************************************************************

ايئا ايئا ايئا أئوئا... وسع طريق للاسعاف

معن...لمصتكبل باهر من أجل اهالينا



اوعه الطيارة الجامبو


ربنا يشفي

طب بقولك ايه ... هو انت لازم تدخل ضروري من الباب

مهو يعمل ايه طيب؟!!!


أكيد وقع منه عيلتين في السكة ...أكيد

علم وينفذ

عندك حب للتملك...مغرور...قاسي....طب الحق البيعة و علي فكرة الوسطاء يمتنعون

خلى الكل ياكل وينبسط

هو بيقولك هتبقه صعب شوية...بس سعات بتنفع علي فكرة

توكتوك العاصمة...فتحة الباب بخمشاشر قرش

بقولك ايه...املا التنك علاخرة...حدش عارف ينكن برميل البترول يضرب في العلالي بعد حرب الفلبين

حد يصارحني و يقولي ايه ده بجد

مرجح جمالك و اسعدها و لأول مرة في "جمال بارك"

بدون تعليق

عليك و ع الخوارزمي علطول

اكيد بيأكل عربيته لحمة

لا... لو الكلام ده طلع مظبوط فعلا يبقه الواحد يروح ايام الاجازات ارخص

خليك مع الوزارة هتاخد السرتفسيت علطول من غير كلام

الا محدش خد باله ان حد بيصور ....خد باله اذاي الجدع المبسوط ده

ولا حرقة لا اضرب في المليان

موز بلدي فاخر بطعم البوردوءان

مطلوب سواء نقل عام يستطيع ان يسوق و لا يرى الطريق براتب مجزي

يلا دي المية متحلاش الا باللمة الحلوة

الا ايه نوعية المحل اللى بتبقه في الدور التالت دي

رصيف للطوال فقط....القصار يمتنعون

امتحان 18 ساعة ع السريع... ممنوع اصطحاب الشندوشتات و العصير

افادكم الله...فعلا كنا هننزل فوق لولا التنبيه

الان فقط و لفترة محدودة في بزينة نحن لا نزرع الشوك: سعر السولار للكارو 70 قش و عليهم حزمتين برسيم مجانا

على السادة السواقين ربط الحزام و الجنازير و الا تعرضوا لسحب الكاوشت الاستبن و الجنزير

برج الشيماء... غرف سوبر لوكس ومساحات برحة و شرحة

الان في مصر فقط و لأخر مرة....تستطيع ان تحصل علي ونش بيمشي بأيد واحدة و يقدر بردو ينط بيها في وسط الزحمة ... وممكن لو غرق يأدف بيها بردو

مهو ده يا اما سبايدر مان يا اما ملزوق بتفافة و لا ينكن يكون في حل تالت ابدا

اخيرا لقا راكنة

عجز لساني عن التعبير

خليك مع مجار لا هتكسب و لا هتربح

متستبعدش ابدا انك تلاقي جوة الكبوت سبع صعايدة بينهجوا

العربية دي طريق أكتوبر المكسيك

و ربنا يوجد طبيب....بس اضغط انت و سيب الباقي ع الجرس

مراسيل مراسيل و اللسة

يا عم ابوس ايدك شد علي نفسك السيفون و ريحنا بقه

عربية 4*4=16

هو ده الابداع...بأقل الخامات تبقه صاحب مقطورة اد الدنيا

اعطني خبزاً و حناناً

إن خلس الفول انا غير مسوءل... وقد اعذر من انذر

عزيزي العميل حرصا على سلامتكم من شد العضل برجاء احضارعدد اتنين قالب طوب تقف عليهم و انت جاي ...او اقولك خلي حد يشيلك اوبح

مخ و مببار و سدوء عال خالص

دي عمار ميتمشيش فيها الا بالجنب...محدش يفكر يتدور ابدا

جوجل لخدمات رجال الاعمال و لولاد المونطقة بردو

ترجمة ابو سمرة الفورية: اشتري يور هيد يعني اشتري دماغك ثم باي وان بيتزا تعني اشتري بيتزايه

طب براحة طب....الكلام بردو أخز وعطا

و على فكرة بعد الضهر بتبقه مدرسة ليالي الحلمية الثانوية بنات

الهندسة المعمارية الحديثة تتألق

أموت و اعرف السلم ده بيودي علي فين؟!

الصيت لا الغنا

يعني البلكونة اللى فوق دي واقفة علي العمود ده!!!!

ايون اومال انتوا فاكرينها لعبة...ده المواضيع بتيجي فجأة و يا تلحق يا متلحقش

ميناتل و الان و لفترة مفتوحة دقيقة المحمول بقت بنص التمن من اي كابينة واقعة

معلش اصل اللى كاتب اليفتة كان مخنوق حبتين

فودافون...اتكلم من الفرن

معهد ام تميم

السلام عليكم و رحمة الله وبركاته


يا تلحقوا يا متلحقوش
الخبر ده يخص القاهريين اكتر و الجيزويين و كل اللى يقدر يوصل لميدان التحرير بسهولة
و طبعا اي حد في مصر سهل يسافر و يجي هنا يومين في الاسبوع و مستعد يجاهد في سبيل الله
متخفوش مفيش حرب و محدش هيتعور

التقديم بدأ و الحمد الله في معهد ام تميم
بدأ اول امبارح الموافق 11/10
و هيمتد علي ما اعتقد لمدة اسبوعين او تلاتة
بجد بجد خسران اللى هيكسل او مش هيفكر يقدم و يقول اصلي انا مشغول بالكلية او بأى حاجة او بشغل حتى
و اليكم التفاصيل

نبذة مختصرة عن معهد الرحمة العلمي للعلوم الشرعية ( معهد أم تميم )

* أول معهد نسائي للعلوم الشرعية في مصر يعتني بتعليم المرأة بطريقة أكاديمية علمية ويصحح المعتقد والنواحي الفقهية ، وذلك باتباع الكتاب والسنة بفهم سلف الأمة من الصحابة والتابعين ومن تبعهم بإحسان إلى يوم الدين .

* يقع المعهد في مجمع الرحمة الإسلامي ( جمعية الرحمة لتنمية المجتمع ) الذي يضم أنشطة كثيرة مثل : المعهد العلمي الأزهري للقرآن الكريم للرجال والنساء على حد سواء .

* الدراسة بمعهد العلوم الشرعية النسائي مدته عامان مقسمان إلى أربع دورات كل دورة 6 اشهر.

* تدرس الطالبة خلال الدورات الأربع :

( الفقه - العقيدة - الحديث - علوم القرآن - تفسير القرآن - نحو- اصول الفقه- مصطلح الحديث )

* تقوم بالتدريس نخبة من صفوة النساء أصحاب الفكر السليم والمنهج القويم كما صح عن الرسول الأمين وعلى رأسهن المعلمة الفاضلة أم تميم ، صاحبة المصنفات العلمية مثل : كتاب " الفقه الميسر " راجعه وقدم له شيخها الجليل العلامة المحدث الفقيه / مصطفى بن العدوي - حفظه الله تعالى - .

* تحصل الطالبة بعد نهاية الدراسة على شهادة من مجمع الرحمة وإجازة عامة بالسند المتصل في الكتب التي درستها خلال مدة الدراسة .

* الدراسة والكتب العلمية مجانا لمن لا تستطيع دفع المصروفات ، والمصروفات رمزية للقادرة ، تعود على أنشطة المجمع الخيرية والدعوية .

* للمتابعة والاستفسار :

شئون الطلاب من 9 صباحا حتى 5 مساء ، ماعدا يوم الجمعة .

العنوان : المبنى الملحق بمسجد الرحمة بوسط مساكن ناصر كورنيش النيل ، خلف أبراج لؤلؤة النيل حي روض الفرج . (يعني اللى هيجي من التحرير هيركب اي عربية راحة المؤسسة و مفيش عشر دقايق و هيقول للسواق مساكن روض الفرج و ينزل امام المعهد- و اللى هيجي من بنها او من المؤسسة او من اي حتة في الطريق المعاكس للتحرير هيركب تحرير و هينزل بردو مساكن روض الفرج امام المعهد...يعني هو بعد اركاديا مول بحجات بسيطة للى جاي من التحرير او بردو بعد دار الكتب اللى علي الكورنيش بردو)

تليفون أرضي : 24580276

تليفون محمول : 0116822069 - المشرف العام الشيخ / سيد مختار - حفظه الله تعالى - .

انتهزوا الفرصة و سارعوا بتسجيا الأسماء لدى المختصين هناك قبل غلق باب القبول

و بالمناسبة الدرس يكون مرتين ف الاسبوع صباحا و لا يوجد اى الزام للحضور

السلام عليكــم ورحمـة الله وبركاتــه ،،
*************************

اللى عاوز يقدم و عاوز يعرف تفاصيل اكتر يراسلني على الميل اللى في الجنب ده و يسأل وانا حتى ممكن ابقي اجي مع اي بنت عوزة تقدم

يلا يا بنات ده معهد فظيع جدا

و كل اللى فيه بجد ناس ربنا يكرمهم
و كويس اوي انكوا لقيتوا حد يعرفكم ان التقديم بدأ
صدقيني هتبقي عندك علم شرعي يغير حياتك
هتقدري تعبدي ربك عن علم و تفيدي غيرك من اسرتك و اصحابك وكله بالدليل من القرأن و السنة
و كمان تقدري تدي دروس بعد كده لانك هتاخدي شهادة تثبت جدارتك
و علي فكرة بعد كل 6 شهور في امتحانات سهلة اوي و ان شاء الله الكل بينجح

يلا بسرعة لأن المعهد بياخد بأولوية التقديم لما الاعداد بتزيد
انا ليا صحابي بيجوا من الشرقية و قدموا
و كمان مش شرط تحضري ديما لان مفيش حضور و غياب بس الافضل طبعا تبقي نيتك انك تحضري علطول
يلا يلي نفسك تتجوزي ....يلا يلي نفسك ربنا يرزقك باطفال....يلا يلي نفسك تجيبي عربية....يلا يلي نفسك تخلصي تعليمك و تطلعي الاولي...يلا يلي نفسك تشتغلي
يلي عندك فراغ في حياتك و ديما كارهه الحياة
مهو من الفراغ و من بعدك عن ربنا

اتعلمي دينك صح و اعبدي ربنا صح وشوفي رزق ربنا ليكي اد ايه
شوفي كرمه
اتعلمي علم شرعي و هتكتشفي انك مكنتيش عايشة وانك كنتي بتعملي حجات كتير غلط اوي لعل ربنا يغفرها لينا كلنا بس مش بسبب جهلنا ليها لاننا هنتحاسب عن جهلنا ده و عدم سعينا في طلب العلم الشرعي
و لكن لان ربنا رحيم اوي
و خلي بالك اول حاجة بنتسأل عليها في قبرنا هي العقيدة
و عشان كده لازم ندرس عقيدة عشان نقدر نعدي من اختبارات القبر
و صلاتك اول عمل هتتحاسبي عليه و لو انتي متعرفيش في الفقه ممكن تلاقي صلاتك فيها اخطاء هائلة ده غير كل العبادات
طلب العلم الشرعي بأى وسيلة فرض عين علي كل مسلم
في انتظاركوا يا بنات عشان نروح مع بعض

بخصوص الولاد انا اعرف بردو ان في معهد ليهم هناك اللى عاوز يتصل و يسأل
و مننساش ان من علامات حب ربنا لينا انه يفقهنا في العلم الشرعي
و يزيدنا في العلم و يعينا و ييسر لينا العمل بالعلم ده و الانتفاع به