السبت، 22 أغسطس 2009

حاسب نفسك

سلام عليكم ورحمة الله وبركاته
انا كنت قلت اني هكتب بوست واحد بس في رمضان وبعدها هفصل النت تماماً من عندي
لأني فعلا مدركة ان اد ايه الوقت قيم جدا وان الواحد ممكن يستغله في قراءة كتب دينية او قرأن أو يشاهد درس ديني
وطول ما في نت هتلاقي روحك عمال تدخل غصب عنك

قبل ما ابدأ الموضوع كانت مجداوية واضعة في مدونتها لينك لشيخ بيتكلم عن التلذذ بالصلاه و اذاي نصلي بخشوع
دخلت اتفرجت علي اول حلقة من منطلق الفضول
وجدت ان فعلا الشيخ ده ليه اسلوب جيد جدا
فعلا الى يسمع الحلقات هيعرف يصلي بخشوع جامد
اللينك هنا

مش هطول عليكم
اهم موضوع كنت عوزة انشره قبل رحيلي
هو اني بجد عوزة اقولكم علي طريقة هتغير حياتكم بجد

ادخل رمضان وانت ناوي تبقه حد تاني....اوعد ربنا كل يوم وعد بأنك تترك معصية عشانه....و انك تتحلى بخلق كريم عشانه.
كل يوم اعمل حاجة صغيرة لله و انوي انك تداوم عليها طول عمرك
واقسم بالله انك مش هتسيبها مهما حصل وحتى بعد رمضان
اتغير واحدة واحدة
وطبعا أنت عارف ان أجر العبادة في رمضان بيفوق أجرها في اي شهر
فأستغل عظمة هذا الشهرو أملا صحيفتك بعبادات جديدة عملتها عشان تتقرب بيها من ربنا
وشوف رزق ربنا وكرمه عليك هيكون شكله ايه

يعني مثلا اول يوم قول يا رب اوعدك وانا اد وعدي بعونك ليا
اني اخصص لنفسي كل يوم ورد للقرأن ولو صفحة واحدة....منمش ابدا ابدا الا لما اكون قريتها...ولو نمت ونسيت اصحى تاني و انط من فوق السرير من تحت الغطا عشان اقراها

و اعلم ان ربنا بيحب الطاعة اللى بيكون فيها مداومة...اكتر من التنقل بين الطاعات دون الثبات علي طاعة رئيسة
و عشان نوضح للناس اللى مش عارفين يعملوا ايه بالظبط للتقرب من الله
ومن منطلق "حاسبوا انفسكم قبل ان تحاسبوا...و زنوا انفسكم قبل أن توزنوا"

هديك شوية اسئلة...اكتبها في ورقة كبيرة وعلقها علي الحيطة امام عينك عين اسرتك و اسألها لنفسك كل يوم
وانت عارف ان يوم القيامة هيتقالك "إقرأ كتابك كفى بنفسك اليوم عليك حسيبا"

1- هل أديت الصلوات الخمس في جماعة؟

2- هل أديت الصلوات الخمس في خشوع؟

3- هل أديت صلوات التطوع "القيام، الوتر، الضحى، التهجد...إلى اخره"؟

4- هل صمت شيئاً من النوافل "الاثنين و الخميس، ثلاثة ايام من كل شهر...إلخ"؟

5- هل تلوت شيئاً من القرأن بتدبر و خشوع أو حفظت جزء منه او راجعت ما تحفظ؟

6- هل رددت أذكار الصباح و المساء كلها بتدبر ويقين؟

7- هل التزمت بالأداب النبوية و رددت الذكر المناسب لكل عمل من أعمالك "عند النوم و الاستيقاظ، عند دخول الخلاء، عند لبس الثوب، عند الدخول و الخروج من المنزل، عند الدخول و الخروج من المسجد، عند ركوب الدابة، عند الاكل او الشرب..إلخ"؟

8- هل صليت على النبي صلي الله عليه وسلم في يومك"؟

9-هل أديت ما عليك من حقوق لأصحابها "والديك، زوجتك و ابناءك، اقاربك، جيرانك، إخوانك، حق عملك، حق الدعوة إلى الله، حق المسلمين"؟

10- هل أديت زكاة المال او تصدقت بشىء و لو يسير؟

11- هل صحبت احداً ليصلي إلى المسجد أو لصلاه جماعة؟

12- هل نصحت مسلماً فأعنته على خير و منعته من شر؟

13- هل صنعت معروفاً او قضيت حاجة لأحد من المسلمين؟

14- هل تحريت الحلال الطيب في مطعمك و مشربك و ملبسك أثناء سعيك لكسب رزقك؟

15- هل جاهدت نفسك للتخلص من خلق مرذول او صفة ذميمة أو عادة قبيحة (الغضب و الحدة و الغلظة، كثرة المزاح و الضحك...إلخ"؟

16- هل جاهدت نفسك لاكتساب خلق كريم أو صفة حميدة أو عادة طيبة أو التزمت بسنة كنت مهملها "الحلم، الصبر، الرحمة، الحياء، التوكل، الاخلاص، الكرم، الخوف من الله...إلخ"؟

17- هل راقبت قلبك و حرسته و طهرته من المهلكات "الكبر، الرياء، الحقد و الحسد، التعلق بالدنيا"...إلخ؟

18- هل أمسكت لسانك و جوارحك عن إرتكاب الكبائر و المحرمات و ما نهى الله عنه "الكذب، الغيبة و النميمة، القول على الله بغير علم، عدم غض البصر، شهوات البطن و الفرج...إلخ"؟

19- هل طلبت العلم الشرعي سواء بسماع درس ديني او قراءة كتاب؟

20 -هل تذكرت حقيقة الدنيا من الاخرة فلم يتعلق قلبك بزينتها "النساء و البنين و الاموال و المناصب...إلخ"؟

21-هل تكرت الموت و سكرته و القبر و ظلمته و الموقف بين يدي الله فأستعددت للقائه في يومك وليلتك "زيارة القبور"؟

22- هل تذكرت الدعاء لنفسك و لوالديك و المسلمين جميعاً؟

23- هل خلوت لنفسك فحاسبتها عن يومها وليلتها؟

24- هل ختمت يومك بتوبة نصوح و استغفار خاشع و نية و عهد مع الله على علاج التقصير و زيادة الاجتهاد؟

استودعكم الله الذي لا تضيع ودائعه
و اراكم بعض رمضان