الثلاثاء، 20 يناير، 2009

دعوة جدية للمقاطعة


الحمد الله انتصرت المقاومة في غزة
بغض النظر عن كمية الشهداء اللى استشهدوا وكمية الدمار اللى حل بغزة
إلا ان الصهاينة فشلوا في تحقيق اهدافهم التعبانة واتنيلوا غصب عنهم وأنسحبوا من غزة وهما مش لاقيين اي حاجة يبرروا بيها موقفهم إلا ان أهدافهم اتحققت
كتكم الخيبة
أهداف ايه يا مجانين...أنتوا عرفتوا تعملوا حاجة غير من الجو والبحر
مبروك للمقاومة ومبروك لكل من راهن علي صمود المقاومة
"ولا تحسبن اللذين قتلوا في سبيل الله امواتاً بل أحياء عند ربهم يرزقون"
اللى مات ضمن الجنة بمشيئة الله بجوار الصديقين والنبيين والمرسلين
واللى عاش عاش رافع الرأس برغم الألام وبرغم فقدان الأحبة
واللى حاول يناصر المجاهدين اكيد ربنا هيكرمه
واللى تخاذل أكيد اكيد ربنا هيكحمه

المهم

يا ترى بعد ما القصف توقف الناس هتسكت
والناس اللى كانت بتدعو للمقاطعة وبتقاطع المفروض تنسي انها التزمت امام ربنا انها تقاطع ......ولا دي كانت افلام ولا ايه وحماسة شباب علي رأى الناس؟

لا طبعا
اولاً الحرب الصهيونية منتهتش علي المسلمين
ودماء الاطفال والشهداء مش هيروح هدر
ثانيا لرفع مقدرات أقتصادنا لازم نعتمد علي منتجاتنا وندي فرصة ولو بسيطة لمنتجاتنا تكون منتجات أساسية ونبطل إعتماد علي المنتجات المستوردة
ثالثا حرب المقاطعة حرب مينفعش تنتهي بإنتهاء الأحداث ابداً
هي حرب بنخوضها في سلم عشان ندي للعدو درس مهم وهو أننا نقدر نعتمد علي روحنا ونقدر ننتج ونقدر نكلمهم بلغة المصالح اللى مبيفهموش غيرها ونقدر كمان نكون ايد واحدة ونقدر نعمل حاجة عجز الحكام عنها
رابعا كل الناس اللى اتكلمت عن المقاطعة ودعت ليها كانت بتتكلم من قلوبها وبصدق

يبقه مفيش حاجة اسمها ننسا
هنستمر في المقاطعة علطول الخط لحد ما نتعود وبشدة ونحس ان مقاطعتنا هي حاجة طبيعية جدا واننا مبقناش نتضرر منها
و إعتمادا علي فتوي الشيخ يوسف القرضاوي القائلة بأن
كل مسلم اشترى من البضائع اليهودية والامريكية ما يجد له بديلا من دول اخرى فقد ارتكب حراما وأقترف اثما مبينا وباء بالوزر عند الله والخزي عند الناس.
واللى عاوز يتأكد من صحة الفتوى يدخل هنا أوهنا أوهنا

عشان كده بقه احب انوه وادلل (لأن الدال علي الخير كفاعله)
ان في جروب على النت خاص بالمقاطعة...المهم اننا اتفقنا اننا نعمل قائمة شاملة لكل منتجات المقاطعة وكمان البدائل كلها...عشان محدش يبقه عنده حجه انه يشتري ايه كبديل.
وإن شاء الله هنطبعها النهاردة وبكرة هنوزع علي السوبر ماركتس وبردو علي الناس العادية....وهنلزقها في اماكن واضحة وكده
وده عشان الناس متنمش واللى ميعرفش المنتجات يعرفها
قايمة رائعة فيها المنتج والبديل وهي عملت 3 صفحات وورد
حملوها من اللينك ده وروحوا اطبعوها وصوروا علي اد ما تقدروا ووزعوا
اد ايه الناس بتستجيب اوي للورق ده
خاصة لما فرقت علي الستات في المترو الورق ده وشفتهم وهما بيقرروا فعلا انهم ميشتروش الحجات دي وكمية الاهتمام في عيونهم
اللينك اهه ومش هياخد منكم ثواني في التحميل